विटनेस लीबारे

विटनेस ली, उनका सेवकाइ, लेखहरू र आस्थाहरूबारे थाहा पाउनुहोस् ।

विटनेस ली वाचमेन नीको सबभन्दा नजिक र ज्यादै भरोसायोग्य सहकर्मी थिए । १९२५ मा, उन्नाइस वर्षको उमेरमा, उनले गतिशील आत्मिक पुनर्जन्मलाई अनुभव गरे र उहाँलाई सेवा गर्नको निम्ति स्वयमलाई जीवित परमेश्वरकहाँ समर्पण गरे । त्यस समयदेखि उनले तीव्र गतिले बाइबललाई अध्ययन गर्न शुरू गरे । उनको ख्रीष्टियान जीवनका पहिलो सात वर्षहरूको अवधि प्लाइमाउथ ब्रेद्रेनद्वारा एकदमै प्रभाव पारिए । त्यसपछि उनले वाचमेन नीलाई भेटे, र अर्को १७ वर्षको निम्ति, १९४९ सम्म, उनी चीनमा ब्रदर नीको सहकर्मी थिए । दोस्रो विश्व युद्धको अवधिमा, जब चीनलाई जापानद्वारा कब्जामा लिइयो, उनलाई जापानीहरूद्वारा कैद गरियो र प्रभुतर्फ उनको विश्वासयोग्य सेवाको निम्ति कष्ट भोगे । परमेश्वरका यी दुई दासहरूको सेवकाइ र कामले चीनमा भएका ख्रीष्टियानहरूमाझ ठूलो पुनर्जागरण ल्याए, जुनले सारा देशभरि सुसमाचारको फैलाइ र सयौं मण्डलीहरूको निर्माणको परिणाम ल्यायो ।

१९४९ मा वाचमेन नीले चीनमा प्रभुलाई सेवा गरिरहेका उनका सारा सहकर्मीहरूलाई एकसाथ बोलाए र विटनेस लीलाई मुख्य भूमिबाहिर, ताइवानको टापुमा सेवकाइलाई जारी राख्न कार्यभार सुम्पिए । त्यसपछिका वर्षहरूको अवधिमा, ताइवानमा र दक्षिणपश्चिम एसियामा भएको परमेश्वरको आशिषको कारणले, एक सयभन्दा बढी मण्डलीहरू स्थापित गरिए ।

१९६० को शुरूवातमा विटनेस लीलाई प्रभुद्वारा संयुक्त राज्य अमेरिकामा सर्नलाई डोरयाइयो, जहाँ उनले ३५ वर्षहरूभन्दा बढीसम्मै प्रभुका सन्तानहरूको फाइदाको निम्ति सेवकाइ गरे र काम गरे । उनी १९७४ बाट १९९७ जूनमा प्रभुसित हुन नगइञ्जेलसम्म, क्यालिफोर्निया, एनाहेम शहरमा बसोबास गरे । संयुक्त राज्य अमेरिकामा उनको कामका वर्षहरूभरि उनले ३०० भन्दा बढी पुस्तकहरू प्रकाशित गरे ।

विटनेस लीको सेवकाइ विशेष गरी ख्रीष्टका खोज्न नसकिने प्रचुरताहरूको गहन ज्ञान र अनुभवलाई चाहना गर्ने खोजीकर्ता ख्रीष्टियानहरूको लागि उपयोगी छ । सारा शास्त्रहरूमा भएका परमेश्वरीय प्रकाशहरूलाई खुल्ला पार्ने कामद्वारा, ब्रदर लीको सेवकाइले उहाँको शरीर, सबैलाई सबैमा भरिपूर्ण पार्नुहुने जनको परिपूर्णता हुने मण्डलीको निर्माणको निम्ति ख्रीष्टलाई कसरी जान्ने भनी हामीलाई प्रकाश पार्दछ । सबै विश्वासीहरू ख्रीष्टको शरीरको निर्माणको यस सेवकाइमा सहभागी हुनुपर्छ ताकि शरीरले स्वयमलाई प्रेममा निर्माण गर्न सक्छ । यस निर्माणको परिपूर्ण गराइले मात्र प्रभुको उद्देश्यलाई परिपूर्ण गर्न र उहाँको हृदयलाई सन्तुष्ट पार्न सक्छ ।

निम्न कुराहरू वाचमेन नी र विटनेस लीका मुख्य आस्थाहरूको विस्तृत वर्णन हुन्ः

• पवित्र बाइबल पवित्र आत्माद्वारा शाब्दिक रूपमा प्रेरित गरिएको भूल गर्न नसक्ने र परमेश्वरले–सास फेरिएको पूर्ण परमेश्वरीय प्रकाश हो ।
• परमेश्वर अनन्तदेखि अनन्तसम्म समान रूपले सह–अस्तित्वमा रहने र पारस्परिक रूपमा सहवर्ती हुने एकमात्र त्रिएक परमेश्वर—पिता, पुत्र र पवित्र आत्मा—हुनुहुन्छ । परमेश्वरको पुत्र, परमेश्वर स्वयम् नै, उहाँ हाम्रो छुटकाराकर्ता र मुक्तिदाता हुनको लागि कन्या मरियमबाट जन्मिनुभई, येशू नाउँ गर्नुभएको एक जना मानिसझैं देहधारी हुनुभयो ।
• असली मानिस, येशू पिता परमेश्वरलाई मानिसहरूकहाँ जान्ने तुल्याउनको लागि यस पृथ्वीमा साढे तेत्तीस वर्षसम्म जिउनुभयो ।
उहाँको पवित्र आत्माले परमेश्वरद्वारा अभिषेक गरिनुभएको ख्रीष्ट, येशूले हाम्रा पापहरूको निम्ति क्रूसमा मर्नुभयो र हाम्रो छुटकाराको परिपूर्ण गराइको निम्ति उहाँको रगत बगाउनुभयो ।
• तीन दिनसम्म दफन गरिएपछि, येशू ख्रीष्ट मरेकाहरूबाट बौरिउठ्नुभयो, र चालीस दिनपछि उहाँ स्वर्गभित्र आरोहण हुनुभयो, जहाँ परमेश्वरले उहाँलाई सबैका प्रभु बनाउनुभयो ।
• उहाँको आरोहणपछि ख्रीष्टले उहाँका छनोट गरिएका अङ्गहरूलाई एउटै शरीरभित्र बप्तिस्मा गर्नको लागि परमेश्वरको आत्मालाई खन्याउनुभयो । आज यो आत्मा पापीहरूलाई कायल पार्न, तिनीहरूभित्र परमेश्वरीय जीवन प्रदान गर्नुभएर परमेश्वरका छनोट गरिएका मानिसहरूलाई पुनर्जन्म गर्न, जीवनमा हुने तिनीहरूको बढाइको निम्ति ख्रीष्टका विश्वासीहरूमा वास गर्न, र उहाँको पूर्ण अभिव्यक्तिको निम्ति ख्रीष्टको शरीरलाई निर्माण गर्न यस पृथ्वीमा चल्नुहुन्छ ।
• यो युगको अन्त्यमा ख्रीष्ट उहाँका विश्वासीहरूलाई उठाउन, संसारलाई न्याय गर्न, पृथ्वीलाई स्वामित्वमा लिन, र उहाँको अनन्त राज्यलाई स्थापना गर्नलाई फर्किआउनुहुनेछ ।
• विजयी सन्तहरूले हजार वर्षको राज्यमा ख्रीष्टसँगै शासन गर्नेछन्, र ख्रीष्टमा हुने सारा विश्वासीहरू अनन्तकालको निम्ति नयाँ स्वर्ग र नयाँ पृथ्वीमा नयाँ यरूशलेममा परमेश्वरीय आशिषहरूमा सहभागी हुनेछन् ।