Kan lehkhabute min lo hlutsak avângin kan lawm e. Coronavirus (COVID-19) hripui leng avângin tûn hunah hian, dâka thawn chhuahna lam khar rih niin ebook download tûr chauh kan nei a. Ebook te i download tawha, mahse a bu-a dawn i duh tho a nih chuan kan rawn theih hunah kan rawn thawn ang che, a nih loh pawhin a bu-a a awm hma i nghak duh a nih chuan, thla rei lotê hnuah kan website hi i lo check dâwn nia.

Midangte share ve rawh le


Mihring Nun Hriatthiam Phâk Loh Thurûk

Mihring Nun Hriatthiam Phâk Loh Thurûk

Khawvêlah hian engvânga lo chêng nge i nih a, i nun chhan eng nge tihte hi i ngaihtuah ngai em? He hriatthiam phâk loh thurûk hawnna tûr hian chabi paruk a awm.

1. Pathian Ruahmanna

Pathian chuan mihring kaltlanga amah inlanchhuahtîr a duh a (Rom 8:29). Hemi atân hian ama anpuiin mihring a siam a (Gen.1:26). Kutkawr chu kut thunluhna tura siam a nih a, kut anpuia siam a ni ang chiahin, mihring pawh Pathian thunluhna tûr anih avângin Pathian anpuia siam a ni. A chhûnga Pathian a dawnna hmangin, mihringin Pathian a lanchhuahtîr thei a ni (2 Kor. 4:7).

2. Mihring

A ruahmanna hlenchhuah nân Pathianin mihring chu hlum bêl angin a siam a (Rom 9:21-24). He hlum bêl hian bung hrang pathum: taksa, rilru leh thlarau a nei a (1Thes. 5:23). Taksa chuan kuta khawih theih huanga thil awmte a khawihin a dawng a. Rilru lam theihna chuan ngaihtuahna lam huanga thil awmte a khawihin a dawng bawk a.Tin, mihring thlarau, mihring bung hrang chhûngril ber chu amah Pathian khawih leh bepawp thei tûra siam a ni (John. 4:24). Mihring chu a puma chaw pai tûr chauh emaw, a rilrua hriatna nei tûr chauh emaw a siam a ni lo va, a thlaraua Pathian dawng thei tûr pawha siam a ni (Eph. 5:18).

3. Mihring Tlukna

Amaherawhchu, mihringin a thlarauah Pathian chu nunna anga a dawn hmain amahah sual a lo lût a (Rom 5:12). Sual chuan a thlarau a tithi a (Eph. 2:1), a rilruah chuan Pathian hmêlmaah a siam a (Kol.1:21), a taksa pawh chu tisa sualah a thlakthleng a (Gen. 6:3; Rom 6:12). Tichuan sual chuan mihring bung hrang pathumte chu a tichhe fai vek a, Pathian aṭangin a mihrantîr a. Hetiang dinhmunah hian mihringin Pathian a dawng thei tawh lo a ni.

4. Pathian Insemdarhna atana Krista Tlanna

Chutiang chu a ni nain, mihring tlûkna chuan Pathian chu a tira a ruahmanna aṭang khan a tihnual chuang lo va. A ruahmanna hlenchhuak tûrin a hmasa berin Pathian chu mihringah a lo chang a, Isua Krista tia koh a ni (John 1:1,14). Tin, Krista chu mihring tlan tûrin kraws-ah a thi a (Eph. 1:7), tichuan a sual chu lak bosakin (John 1:29), Pathian hnênah a hruai lêt leh ta a (Eph. 2:13). A tâwpah thawhlehnaah chuan nunna-petu Thlarau a lo ni ta a (1 Kor. 15:45), tichuan a nun hausakna chhuichhuah rual loh chu mihring thlarauvah a semdarh thei ta a ni (John 20:22; 3:6).

5.Mihring Tihnuntharlehna

Krista chu nunna-petu Thlarau a lo nih tâk avângin tûnah chuan mihringin a thlarau chhûngah Pathian nunna chu a dawng thei ta a. Bible chuan hei hi tihnuntharlehna tiin a vuah a (1 Pet. 1:3; John 3:3). He nunna dawng tûr hian mihring chuan Pathian laka sim leh Lal Isua Krista rin a mamawh a ni (Tirh. 20:21; 16:31).

Tihnunthara awm tûr chuan thinlung inhawng leh thinlung dik tak puin lo kal la, A hnenah heti hian sawi ang che:

Lalpa Isu, misual ka ni a, ka mamawh che. Ka tân i thih avângin ka lawm e, Lalpa Isu, min ngaidam ang che. Ka sualte zawng zawng lakah min tifai la. Thihna ata i tho leh tih ka ring a. Tûnah ngei hian ka chhandamtu leh nunna atân ka dawng a che. Keimahah hian lo lût rawh! I nunnain min tikhat rawh! Lalpa Isu, i thil tum atân i hnênah ka inpe e.

6. Pathian Chhandamna Tluantling

Tihnunthar anih hnu chuan, ringtu chuan baptisma chan a mamawh a (Marka 16:16). Tichuan, Pathianin amah inzarpharh hna chu zawi muangin damchhûng daih hmasawnna atân nunna angin ringtu thlarau aṭanga bulṭanin ringtu rilru-ah chuan thawk ṭan ta a (Eph.3:17). He hmasawn zelna, tihdanglamna (Rom 12:2) tia koh hian mihring thawhpuina a mamawh a (Phil. 2:12). Ringtuin a thawhpui dân chu a châk zâwng te, a ngaihtuahna leh a thutlûknate chu Krista ami nên pakhat anih thlenga Lalpa chu a rilru-ah a inzarpharh a phal hi a ni. A tâwpah, Krista lo kir leh hunah chuan Pathianin ringtu taksa chu Ama nunna nên a lo fanchhuak vek tawh ang a. Hei hi tihropuina tia vuah a ni (Phil. 3:21). Tichuan, a bung hrang tin chu ruak leh chhia a awm tawh lovin, mihring chu Pathian nunna nêna tihkhah leh fanchhuah vek a lo ni tawh dâwn a. Hei hi Pathian Chhandamna tluantling chu a ni! Chutiang tak mihring chuan tûnah hian Pathian chu chiang taka pholangin, Pathian ruahmanna a hlenchhuak a ni!

He nunna a lo neih hnu hian ringtu chuan Kristiante inpâwlhonaah tel ve a mamawh a, chutianga a tih chuan Pathian nunna hmanga châwm leh a mamawh pêk a ni ang a, tichuan he nunnaah hian a ṭhangin alo puitling dawn a ni. Ringtu dangte nena Krista Taksaa inpâwlnaah chuan ringtu chuan Krista chênchilhna hausakna chu a chên thei dawn a ni.

Hei hi Basic Elements of the Christian Life, Vol. 1 bung khatna a ni a, chhiar chhunzawm tûrin he lehkhabu hi a thlawna dawng tûrin kan sawm a che.


Midangte share ve rawh le