I Bible hriatna tizau la, Pathian Thu hmanga hrai tlaiin awm rawh.
Kan lehkhabute a indawt dân fel tak anga i chhiar chuan, Bible chungchâng leh a thupui pawimawh bik lai i hre thei ang. Kan lehkhabute chhiar hi Bible chhiar belhchhah nan a ni a, Kristian rinna bulpui zawng zawngte hriatnaah hma a sawn tîr ang che. Kan lehkhabute hian i Kristian nunah lungphûm ṭha tak a pe ang che.
Bible-a thil laipui tam takte chu kimchang taka hrilhfiahin a awm a, entirnan: Krista, Kohhran, Pathian nunna leh vawiina Pathian hnathawhte. Chu bakah Bible-a thil thleng chanchin, tehkhin thu, chhinchhiahna, entirna chuan Bible hrethiam lehzual tûrin a pui dâwn che a ni.
Bible kan chhiarin Bible aṭanga hriatthiamna emaw hriatzauna neih chauh kan mamawh lova. Pathian Thu hmanga thlaraulama hrai leh châwma kan awm a ngai a - chu chu mamawh bulpui ber a ni. Bible hriatthiamna dik chu kan mamawh tho va, chu chu kan lehkhabute hian a pui ang a, mahse chu aia thui chu kan kal a, Bible chhûng thute chu thlarau, nunna leh chaw anga kan khawih a ngai bawk a ni.
Bible chuan chu chu hnute tui leh chaw, khawizu aia thlum zawk a ni a, thute chu kan ei ngei tûr a ni tih a sawi a. Hei hi engtin nge kan tih theih ang? Hei hi taksa lama eina a ni lova, kan ṭhanlen theihna tûra thlaraulam chaw eina a ni zawk.
Grik ṭawngah thu sawina pahnih - logos leh rhema a awm a. Logos chu ziaka awm thu awmsa a ni a. Rhema chu a hun ang zêla puanchhuaha awm thu a ni. Bible thute chuan thlarau leh nunna a keng a, chûng chu kan tân rhema angin chaw an ni thei a. Thlarau lama a nihna tak dawng tûrin Bible thu ziakte chu tûn huna Pathian thusawi anga chantîra lâkluh dân kan zir a ngai a. Kan lehkhabute hian chu mi kawng chu an sawi a, Bible kan chhiar hunin tawnhriatna hausa nei tûrin min pui dâwn a ni. Heng lehkhabute hian nasa takin min pui a, hei vâng hian Rhema Literature Distribution, tiin kan invuah a ni.