Muanna leh Himna
“Muanna leh himna, an sawi laiin, an chungah chhiat thutna a lo thleng ang….” (1 Thes. 5:3)
Khawtlang (human society) hi muanna leh himna min pe tura din a ni a. Muanna leh himna tel lo chuan, hlauhna leh rinhlehnain kan nun kan hmang a ni. Kan sawrkar chuan kan ralmuanna tinghet turin min tiam a; kan hospital leh clinic te chuan kan taksa hriselna leh taksa kaihhnawih thilte vawnhim an tum a, kan bank-te leh financial institution-te chuan kan pawisa khawl leh peipunna atan himna min tiam a. Mahse a tawpah, kan financial institute, kan sawrkar, kan health care system leh thil dang dang kan rinchhante hi eng anga tam chiahin nge kan rin ngam?
Chik tak leh fimkhur taka kan ngaihtuah chuan, mitin leh thil engkim kan lo rin leh inghahna te hian muanna leh himna tluantling min pe theilo a ni. Khawvel hi indo, retheih, natna, dan bawhchhiat leh rorêl dik lohnain a zar buai chhung hian, chatuan muanna leh himna min tiam thei engthilmah khawtlangah a awmlo a ni. Bible ngei pawh in heti hian min hrilh a, “Muanna leh himna, an sawi laiin, an chungah chhiat thutna a lo thleng ang….” (1 Thes. 5:3)
Pathian thu aṭang chuan, muanna leh himna dik chu Isua krista-ah leh A chatuan nunnaah chauh a hmuh theih a ni. Johana 3:16 ah chuan “Pathianin A fapa mal neih chhun a pe a, ti chuan Amah ring tawh phawt chu an boral lohva, chatuan nunna an neih zawk nan” tih kan hmu a. Heta chatuan nunna a sawi hi pathianna nunna, Pathian nunna siamchawp nilo chu a ni a, chu chu tun hun chungchang thu a chatuan daih mai nilo, mahse a nihphungah pawh a pathianna nei leh chatuan a ni. He nunna hi Pathian chu a ni a, A nunna hi tihchhiat theihloh a ni (John 14:6). Amah Pathian lo chu engmah chatuana him a awmlo.
He muanna leh himna kawng a kan buaina zawng zawng hi Krista-ah chauh chinfel a ni. He khawvel hi kawng hrang hrangin - natna leh inkaichhawntheih natna aṭangte, economy tla chhe mek aṭangte, dan bawhchhetu leh misual rual (terrorist) suam a, that leh tichhe tu aṭangte in hlauhawmah a awm reng a - Krista chu A nunna kan neih nan leh tam taka kan neih nan a lokal a ni (John 10:10). Krista hi kan himna chauh niloin kan muanna pawh a ni: “Thlamuanna Ka hnutchhiah a che u, Keima thlamuanna Ka pe a che u; khawvelin a pek ang ni lovin Ka pek che u hi. In thinlung mangang suh se, hlauh pawh hlau suh se” (John 14:27).
I thinlung a mangan chuan, Amah chu ring rawh (John 14:1). Pathian chatuan nunna himna i nei lo a nih chuan, Pathian Fapa hming chu ring rawh (1 John 5:13) tin A nunna chu pe tur che in Ani chu dil rawh. A hnenah chuan thinlung dik leh inhawnga lo kalin A hnenah chuan ti hian sawi la:
Lalpa Isu, ka mamawh che. Lalpa, ka ring A che. Keimah ah lo lut rawh! I nunna cu tunah min pe rawh. I muanna chu min pe rawh. Lalpa ka muanna leh himna tak tak i nih avangin ka lawm e. Ka hmangaih che Lalpa.
A hnuai a link hi a thlawna Kristian lehkhabu i chhiar theihnan i lo tlawh ve dawn nia: