Kristian Hnehna Nuna Nung Tûra Tawnhriatna Pasarih Mamawhte
Hengte hi Kristian hnehna nuna nung tûra min puitu tûr kan Kristian lehkhabu indawt ho a thlâwna kan sem thina kan hmuh tawnhriatna pasarih mamawhte chu an ni a. Heng sawi lante hian a huam kim vek lova, mahse Kristian tawnhriatnaa hruailut thei tûr che chabi thenkhat a târlang thung a ni. Krista chuan Setana chungah hnehna a chang a, hnehtu kan nihna kawng chu Krista hnehna vawnthat a ni a. Kan lehkhabu indawt ho hian kan nitin nuna Krista hnehna vawnthat nana min pui thei thil tam tak a sawi a ni.
- Pathian thil tum kan hriat a, chumi mila kan nun chu a ngai a, tichuan hnehtu nih inhriatna kan lo nei ang. Kan lehkhabu indawtte hian Bible-a Pathian thiltum leh a taka nunpuina kawnga A thiltum mila kan nun theihna a hailang a ni.
- Krista thisen hlu tak hmangin kan hneh a. Hei hi kan lehkhabu indawt ho zawng zawng hian a sawi vek a, a hmasa berah, Kristian Innghahna Bulpuite, Vol. 1-a “Krista Thisen Hlu,” bung thumnaah sawi a ni a, tichuan Engkim-Huap Krista-ah sawi a ni leh a, a tâwp berah, Kohhran Ropuiah sawi a ni leh bawk a ni.
Berâmno thisen avângin...ani chu an hneh a ni..Thup. 12:11a
- Rinnaa khat kan nih theih nan Krista hriatna thûk zâwk leh tawnhriatna kan nei ngei ngei tûr a ni.
Josua leh Kaleba chungchâng entîrna hi zui theuh ila. Rinnaa khat thinlung an nei a. Mite hnênah, “I han thawk thuai ang u khai, i han la ang u, kan hneh ngei ngei ang,” tiin an hrilh thei a ni (Num. 13:30) — Engkim-Huap Krista, Bung. 13
- Hnehna nun chu tihnuntharlehnaa kan dawnah a innghat a. Tihnuntharlehna kaltlangin, thanna leh than puitlinna hmanga hnehna nuna nung tûra kan mamawh zawng zawng kan nei vek a ni.
Tihnuntharlehna kaltlangin thinlung thar leh thlarau thar kan nei a. Tihnuntharlehna kaltlangin Thlarau Thianghlim, Krista leh Amah Pathian ngei kan dawng leh zel bâwk a. Hengte hi kan tan an tâwk êm êm a—thlarau tak leh thianghlim taka min siam tûrin a tâwk zova, engkim khûm tûr leh hnehtua min siam tûrin a tâwk zova, thanglian a, nun puitlianga min siam tûrin a tâwk zo bawk a ni. - Nunna Hriatna, Bung 4.
- Hnehna nuna nung tûrin kan mihring thlarau lam hawi dân kan zir ngei ngei tûr a ni.
Dinhmun harsa tak chu i tuar thei lova, a nawr behna che chu i chakna piah lam a nih chuan, i thlarau lam hawi la, Isua chu en rawh. Chûng harsatna chung daihah, sâng takah, chumi khûm daih chuan hnehna hmunah i kâng chho daih ang a. Engkim mai hi i ke hnuaiah a awm dawn a ni — Pathian Inchhûngkhur Relbâwlna, Bung 11
- Thlarau lama kan ngaihtuahna dah chu kan hriatreng a ngai a, hei hi Kristian hnehna nuna nung tûra a taka kan nunpuina kawng a ni a. Kan ngaihtuahna chu kan rilru bunghrang hruaitu a ni a, kan ngaihtuahna chu kan nun dân titâwp tûra dah a nihna hmunah—kan nun dân a khalh ngîl thin a ni.
Tisa chunga ngaihtuahna nghah chu thihna a ni si a, thlarau chunga ngaihtuahna nghah erawh chu nunna leh thlamuanna a ni. Rom 8:6
Johana 3:16 chauh hria a, Rom 8:6 kan theihnghilh si chuan, Kristian rethei tak kan ni ang. Kristian hnehtu kan ni thei ngai lovang. Johana 3:16 hi chatuan nunna kan channa tûrin a tâwk zova, Rom 8:6 erawh chuan Kristian hnehtu kan nih theihna dân tûr min kawhhmuh a ni — Pathian Inchhûngkhur Relbâwlna, Bung 17
- Pathian thil tuma kohhran leh kohhran chanpual chu kan hriat a ngai a. Hnehna chu mimal thil chungchâng a ni ringawt lova; kohhran hmanga a tâwpkhâwka hlenchhuah a ni zâwk a. Hemi hmuhna hian tawnhriatnaah min hruai dâwn a ni.
A thil tum chu hnehtu Krista leh hnehtu kohhran belhkhâwm neih a ni a, Diabola hnathawh hnehtu Krista leh Diabola hnathawh paihthlatu belhkhâwm neih a ni — Kohhran Ropui, Bung 2
A tâwp berah, “Rinnaah chuan naktûk a awm lova, vawiin ni a ni reng a ni.” Kristian hnehna nuna nun chu vawiin chungchâng a ni a, chuti a nih chuan vawiin hian engnge i tih dâwn? He lehkhabu indawt ho hi duh a, chhiar tan tûr che u in kan râwn che u a ni. https://www.rhemabooks.org/ls/order-free-books/